Jam me origjinë nga Shqipëria por jetoj dhe veproj në Vjenë, Austri.
Profesioni im është trajnere personale  dhe mindset coach. Unë ushtroj profesionin tim si trajnere fitnesi ku trajnoj me mijëra vajza dhe gra online.
Kam përfunduar studimet e larta master pranë fakultetit të Mjekësisë në Tiranë si Specialiste e Shëndetiti publik. Gjithashtu kam përfunduar studimet master  pranë European Institute for Personal Trainer për fitness dhe aktivitet fizik. Kam kryer shumë trajnime në fushën e zhvillimit personal, motivimit dhe transformimit të mendimeve.
Kam një karakter dinamik dhe të fortë, plot energji që nuk rresht së punuari për të ndihmuar veten dhe të tjerët. Parimi kryesor për mua është: Të jemi vetvetja në çdo hap që hedhim dhe ta pranojmë veten për këtë që jemi. I mbijetova depresionit dhe çrregullimeve të ankthit dhe aktiviteti fizik për mua ishte ‘dora’ ku u kapa fortë. Unë besoj që forca e njeriut nuk ka limite , jap gjithçka nga vetja dhe në ditët e mia më të vështira ku do preferoja të qëndroja shtrirë në divan. Kam ndikuar dhe transformuar jetët e mijëra njerëzve si fizikisht por dhe mendërisht duke ju zgjuar potencialin dhe forcën që fle brenda tyre.

‘Dëshira ime është të shikoj sa më shumë njerëz të realizuar dhe të lumtur,nuk ka asgjë të na ndalojë.Kufizimet e vetme janë në mendjen tonë. Thjesht guxo!’