A mundet një dietë me bazë bimore të ndihmojë në reduktimin e simptomave të ankthit? Shumë shpesh njerëzit më pyesin nëse vërtetë konsumimi i ushqimeve me bazë bimore ishte një ndër faktorët që më ndihmoi të kapërceja ankthin? Përgjigjia është PO! Ka gjithashtu shumë studime shkencore që kanë vërtetuar se një dietë e pasur me bazë bimore redukton simptomat e ankthit. Por në të vërtetë, në momentin që fillova të ushqehem shëndetshëm dhe eleminova nga jeta ime tërësisht produktet shtatzore ndjeva një përmirësim në aspektin emocional por edhe në çdo aspekt tjetër. Lëkura ime filloi të ishte më e pastër, floku filloi të dendësohej dhe të mos kisha aq shumë rënie floku sa më parë, kisha më shumë energji për të përballuar ditën dhe sigurisht humori im u përmirësua. Isha më e lumtur me ushqimin që konsumoja, isha më e lumtur me veten time dhe si rrjedhojë më e lumtur me të tjerët!

Unë besoj shumë se ushqimi është ilaçi ynë dhe ka shumë mënyra për të ndihmuar në reduktimin e simptomave të ankthit por edhe të shumë sëmundjeve të tjera fizike duke i siguruar trupit tonë ushqim të pasur me lëndë ushqyese. Sa më shumë produkte bimore të konsumoni në ditë, aq më mirë është. Sa më shumë ngjyra dhe shumëllojshmëri të ketë pjata juaj, aq më mirë është. Pse? Sepse sa më shumë produkte bimore aq më shumë lëndë ushqyese, vitamina, minerale dhe fibra do të merrni dhe këto do t’ju ndihmojnë të luftoni shenjat e inflamacionit dhe stresit oksidativ dhe si rrjedhojë do t’ju ndihmojnë në luftimin e shenjave dhe simptomave të ankthit dhe depresionit.

Cilët janë nutrientët që na ndihmojnë në uljen e niveleve të ankthit dhe në reduktimin e simptomave te tij? Cilat janë ato ushqimet specifike që na ndihmojnë të menaxhojmë luhatjet e humorit?

Nëse do të duhej t’i klasifikoja në kategori se cilat lëndë ushqimore, vitamina apo minerale luajnë rolin më të rëndësishëm në shëndetin mendor, do të përmendja këto:

Acidet yndyrore Omega-3

Truri ynë është i përbërë nga mbi 60% yndyrë. Kjo jo vetëm që e bën atë, organin më yndyror në trupin e njeriut, por këto acide yndyrore janë vendimtare për performancën e trurit. Për këtë arsye një dietë e pasur me acide yndyrore omega-3 rrit performarcën e trurit dhe ndihmon në reduktimin e simptomave të ankthit. Gjithashtu Omega-3 ndihmon në uljen e niveleve të kortizolit i quajtur ndryshe hormoni i stresit. Ushqimet e pasura me omega-3 janë:

• Farat Chia: Janë të pasura me lëndë ushqyese, duke
  përfshirë manganin, selenin dhe magnezin, dhe janë
  një burim i mirë i proteinave dhe acidit alfa-linolenik,
  një lloj yndyre omega-3.
• Farat e lirit:Janë burimi më i pasur i acidit alfa-
  linolenik
• Arrat: Janë ushqyese dhe të pasura me fibra dhe
  komponime bimore. Lëvorja, e tyre përmban
  shumicën e antioksidantëve.
• Soja: Është një burim i mirë i fibrave dhe proteinave bimore, por ato janë gjithashtu të pasura në acide yndyrore.

Kalciumi dhe Vitamina D

Kalciumi dhe vitamina D mund të ndihmojnë në balancimin e luhatjeve të humorit kryesisht tek femrat. Më shumë femrat sesa meshkujt priren të kenë nivele më të ulëta të kalciumit dhe kalciumi është i rëndësishëm edhe për shëndetin e kockave. Ekziston një keqkuptim i zakonshëm se qumështi është i vetmi vend për të marrë kalcium. Ja cilat janë disa alternativa me bazë bimore:

• Soja dhe nënproduktet e saj ( tofu, tempeh).
• Fasulet, bizelet dhe thjerrëzat.
• Bajamet dhe arrat e Brazilit.
• Farat Chia, susami, farat e lirit.
• Perimet si: Brokoli, lakra e brukselit, bamjet.
• Frutat si: Fiqtë, portokallet, boronicat dhe
  manaferrat.

Nga ana tjetër sipas një studimi të vitit 2015 u vu re se njerëzit me simptoma ankthi kishin gjithashtu nivele të ulëta të kalcidiolit, i cili krijohet kur vitamina D shpërbëhet në trup. Dihet që burimi kryesor i vitaminës D është dielli, por ushqime me bazë bimore të pasura me vitaminë D janë kërpudhat, qumështi bimor dhe drithërat.

Magnezi

Magnezi ka një sërë funksionesh në trup dhe mungesa e tij mund të shkaktojë lodhje, konfuzion dhe rrit predispozitën ndaj stresit. Ushqime të pasura me magnez janë:

• Fasulet
• Qiqrat
• Tofu
• Bajamet, Casheë, farat e lirit
• Spinaqi
• Quinoa
• Çokollat e zezë

Kompleksi i vitaminës B: Folatet( Vitamina B9),
Piridoksina ( Vitanina B6), Niacina ( Vitamina B3)

Folatet

Vitamina B9 ndihmon në rritjen e prodhimit të serotoninës, e cila është e rëndësishme për rregullimin e humorit. Folati dhe B12 janë përdorur për trajtimin e simptomave të depresionit. Ushqimet e pasura me folate janë:

• Perimet jeshile si spinaqi, sallata jeshile,
  asparagu,lakra e brukselit dhe brokoli.
• Kikirikët
• Farrat e kungullit
• Bishtajet

Piridoksina ( Vitamina B6)

Piridoksina (Vitamina B6) mbështet funksionimin e neurotransmetuesve në trup. Mungesa mund të shkaktojë anemi afatshkurtër, dobësim të imunitetit, konfuzion dhe depresion. Ushqimet e pasura me këtë vitaminë janë:

• Soja
• Bananet
• Tërshëra
• Kikirikët

Niacina( Vitamina B3)

Njihet si vitamina që menaxhon ankthin. Është thelbësore për transformimin e proteinave, karbohidrateve dhe yndyrnave në energji për organizmin. Mungesa e saj çon në shfaqen e simptomave të ankthit dhe depresionit, në lodhje, pagjumësi dhe munges oreksi. Ushqimet e pasura me niacinë
janë:

• Bizelet
• Farat e lulediellit
• Avokado
• Brokoli
• Kërpudhat
• Drithërat
• Specat
• Fasulet

Vitamina C

Vitamina C është e njohur për vetitë e saj antioksidante. Njihet si një pastrues shumë i mirë i toksinave të trupit. Nëpërmjet neutralizimit të radikaleve të lira, frenon stresin oksidativ, mbron sistemin nervor duke ndihmuar në përmirësimin e memories dhe në stabilitetin emocional. Ushqimet e pasura me vitaminë C:

• Agrumet
• Kivi
• Speci i kuq
• Lakra e brukselit
• Luleshtrydhet

Probiotikët

Probiotikët stabilizojnë florën bakteriale intenstinale dhe ne e dimë se 70% e serotoninës prodhohet në zorrë dhe 70% e sistemit imunitar është në zorrë. Duhet të kujdesemi shumë që raporti midis baktereve të mira dhe atyre të këqija të jetë ai i duhuri pra 80% baktere të mira dhe 20% të këqija. Rritja e baktereve të këqija çon në uljen e prodhimit të dopaminës dhe serotoninës dhe si rrjedhojë rrit nivelin e ankthit. Një
ushqim shumë i mirë probiotik janë turshitë dhe ushqimet e fermentuara.

Pra, a mundet një dietë me bazë bimore të ndihmojë në reduktimin e simptomave të ankthit? Po, mundet! Të gjitha vitaminat dhe mineralet që i nevojiten trupit dhe mendjes tonë që të funksionojnë sa më mirë gjenden në ushqimet më të thjeshta që secili prej nesh mund të konsumojë në dietën e tij të përditshme. Asgjë nuk është më mirë se një dietë e balancuar me perime dhe fruta prej të cilave do të mund të marrim të gjitha lëndët ushqyese në formën e tyre më të pastër.

Më poshtë po ju paraqes një recetë shumë të thjeshtë marr nga libri “ MËSO TË GATUASH SHËNDETSHËM NË PAK MINUTA”. Në këtë recetë do të vini re se të gjithë ingredientët bëjnë pjesë në listën e ushqimeve të mësipërme që ndihmojnë në reduktimin e simptomave të ankthit.

KUS KUS ME PERIME

Përbërësit: Një filxhan çaji kus kus integral ose normal, tre speca miks, një qep mesatare, tre thelpinjë hudhër, një karrotë e madhe, një kungull mesatar, katër kërpudha, një filxhan çaji misër të zier ose kanaçe, një filxhan çaji bizele, dy lugë gjelle vaji ulliri, një knorr perimesh, gjysëm lugë çaji kripë, gjysëm lugë çaji piper, gjysëm lugë çaji paprika, gjysëm lugë çaji hudhër pluhur.

Përgatitja: Në një tas me kapak hedhim kus kusin dhe e mbulojmë me ujë të vluar, i vendosim kapakun dhe e lëmë për 5-7 minuta. Ndërkohë përgatisim perimet, pasi i kemi larë dhe i kemi grirë sipas madhësisë së dëshiruar i hedhim në tigan me dy lugë gjelle vaj ulliri dhe i vendosim kapakun. Duke i përzier herë pas here shtojmë 2 lugë gjelle me ujë në mënyrë që të mos ngjisin. I lëmë për 5 minuta pastaj heqim kapakun dhe shtojmë knorrin, kripën, piperin duke i lënë përsëri për 3-5 minuta dhe i përziejmë herë pas here që të mos ngjiten( nëse e shikoni që ngjisin shtoni vetëm 2 lugë gjelle ujë të vakët). Pasi e shikojmë që perimet janë gatuar i shtojmë kus kusin dhe e përziejmë mirë.

Nëse dëshiron të mësosh më shumë rreth mënyrave të menaxhimit të ankthin përmes regjimit ushqimor, rreth teknikave të fuqishme për të menaxhuar mendimet negative, frikën dhe një atak paniku atëhere kontakto në WhatsApp në numrin +355683817117 për tu bërë pjesë në trajnimin e vetëm në Shqipëri të dedikuar 100% menaxhimit të ankthit, frikës dhe mendimeve negative!
Dikush nga ‘SKUADRA E JONA AKADEMI’ do të të përgjigjet.

Gjithashtu nëse dëshiron më shumë receta të shëndetshme me përbërës të thjeshtë dhe plot vlera
ushqyese për mendjen dhe trupin tënd mund të porosisësh librin “ MËSO TË GATUASH
SHËNDETSHËM NË PAK MINUTA” në linkun https://jonacademy.com/product/meso-te-gatuash-shendetshem-ne-pak-minuta/ose kontakto në WhatsApp në numrin +355683817117.